Irene
Mariin kong kinuyom ang kamay sa kumot na tumatakip sa ibabang bahagi ng aking katawan. Maayos na ang aking pakiramdam nang makapagpahinga, kaya sa ngayon ay nakaupo na ako sa kama at nakasandal ang ulo sa headboard.
Hindi ko alam kung ano ang pinag-uusapan nina Third at Clara dahil lumabas si Third mula sa silid kung nasaan ako. Ngunit iba ang kutob ko sa ekspresyon ng mukha ni Third kanina. Alam kong naguguluhan siya ngayon at alam kong maraming tanong ang tumatakbo sa kanyang isip. Kung sana ay bigyan niya lang ako ng pagkakataon, handa akong ipaliwanag ang lahat, malinis ko lang ang aking pangalan.
Sa ngayon, labis ang kaba na aking nararamdaman. Sana naman ay sabihin ni Clara ang totoo at sabihin niya ang tungkol sa akin, na plano niya ang pagpapanggap kong ito, na ginawa ko
