Irene
"Potpot, ano bang ginagawa mo riyan sa puno?"
"Kumukuha ako ng bunga ng mangga."
"Mangga?"
"Oo, iyong medyo maasim lalo na pagbubot pa. Ang sarap kaya no'n."
"Bumaba ka na nga riyan at baka maaksidente ka pa."
"Sandali na lang, maaabot ko na rin 'to."
Habang nasa itaas ng puno, pilit na inabot ng isang batang lalaki ang isang bunga ng mangga na nasa dulo ng sanga. Dahil sa maiksi niyang braso, sandali pa niyang ginalaw pasulong ang kanyang katawan at mariing kumapit sa sanga na kanyang kinaroroonan.
Isang malaking ngiti ang sumilay sa labi ng batang lalaki nang sa wakas ay mahawakan na niya ang bunga na kanina pa niya inaasam-asam. Ngunit sa hindi inaasahang pagkakataon, parehong nanlaki ang aming mga mata nang makarinig kami ng isang malakas na pag-crack ng sanga.
Agad na n
