"Where's Bianca?" kunot-noong tanong niya sa mga kasambahay habang pababa ng hagdan.
Pagdating niya ng bahay, agad siyang umakyat sa taas, sa silid nila ng asawa. Para masilayan ang magandang asawa.
Ngunit wala ito roon. Hinanap niya sa buong silid, wala roon ang asawa.
"Ah. Eh. Sir, ang sabi po ni Mang Berting sumama daw po si Ma'am Bianca kay Ma'am Irene. 'Yung kaibigan po ng Ate Asena niyo," sagot ng isa sa mga kasambahay.
"Sumama si Bianca kay Irene?!" tanong niya. Lalo pang lumalim ang kunot ng noo niya.
"Bakit hindi niyo agad sinabi sa akin na hindi pa nakakauwi ang asawa ko?! Bakit hindi niyo sinabi na hindi niyo siya nasundo?!" galit na tanong niya.
Hindi niya naiwasan ang magtaas ng boses sa mga ito. Dahil sa pag-aalala kay Bianca.
Hindi pwedeng ipagkatiwala a
