Pakiramdam niya ay napakahaba ng mga sandaling hindi siya nakakibo at nanatili lang nakatingin sa asawa. Saka niya naramdaman ang pagtulo ng mga luha niya, dahil sa sobrang kaligayang nararamdaman ngayon.
"Liam, Mommy na ko," umiiyak niyang sabi.
"Yes, sweetheart," sagot ng asawa at agad siyang niyakap nang mahigpit.
Hindi niya napigilan ang mapaiyak habang nakayakap sa kanya ang asawa.
Sa dami ng problemang dumating sa kanila, may maganda namang naging kapalit. May malaking blessing silang natanggap mag-asawa. Ang bubuo sa pamilya nila.
Mabubuo na ang pamilya nila. At gagawin niya ang lahat para hindi maranasan ng magiging anak nila ang mga naranasan niya noon. Lalaki ang anak nila na buo ang pamilya at ibubuhos nila ang pagmamahal dito.
Habang nagpapahinga siya sa ospital, ki
