~Hulyo 16, 1950~
“Mang Fidel, sa lighthouse po tayo dumiretso,” ani Python dahilan para mapakunot ang noo ng matanda dahil sa pagtataka.
“Sa parola? Eh, ang lapit lang non dito ha? Kilala ko ang Carlo na ‘yon at nakakatiyak akong babalikan tayo nito at hahanapin.”
“Pero po Mang Fidel, kailangan po talaga naming dumiretso sa parola ngayon at kung maaari nga po sana ay dumaan muna po tayo sa pagawaan ng aking Tiyo Caloy upang makahingi po kami ni Python ng materyales sa gagawin naming telepono” paliwanag ni Amalia.
“Seryoso ba kayong mga bata kayo? Tiyak akong pinaghahahanap na tayo ngayon ni Carlo. Kung hindi pa tayo aalis dito sa San Nicolas ay baka maabutan pa nila tayo,” sagot ng matanda pero sabay nga lang na napailing ang dalawa bilang pagtutol.
“Mang Fidel sige na po. Kailangan
