Eliza's POV
Break time na namin kaya sabay-sabay kaming nagtungo sa lounge area. Napabuntong hininga na lang ako dahil ang bigat ng pakiramdam ko sa aking katawan. Para bang wala ako sa mood na gumalaw. Para bang pagod na pagod ang katawang lupa ko.
Nakakagaan naman sa pakiramdam ang sandaling pahinga kasama sina Marco, Jessa, at Mara.
Tahimik lamang ako habang pinapakinggan silang nagkukwentuhan. Si Marco, abala sa phone niya. Si Jessa naman, walang tigil sa kakadaldal tungkol sa kung anu-anong mga chika niya. Si Mara… bigla na lang may inilabas sa bag niya. Ang burger niya.
Pagkabukas pa lang ng wrapper, kaagad kong nalanghap ang amoy nito at hindi ko nagustuhan.
Napangiwi kaagad ako. Napaatras palayo kay Mara. Parang may kung anong hindi maipaliwanag na baho na sumalubong sa akin
