Eliza's POV
Naririnig ko ang mahinang bulong-bulungan. Para bang nag-uusap mula sa malayo. May tumatawag rin sa pangalan ko ngunit mabigat ang mga talukap ko, tila may batong nakapatong sa mga ito. Pilit kong iminulat ang aking mga mata ngunit hindi ko magawa.
Sa wakas! Nagawa ko rin imulat ang aking mga mata. Kahit nanlalabo ang aking paningin, alam kong si Mommy itong nasa aking harapan ngayon.
"Eliza..." mahinang tawag niya, kasabay ng mga ngiting puno ng pag-aalala. Kaagad niyang hinaplos ang kamay ko at ang noo ko.
"Mommy..." nanghihinang sambit ko. Para bang tuyong-tuyo ang lalamunan ko. "N-nasaan po ako?"
"Nandito ka ngayon sa hospital," sagot niya, marahang pinisil ang kamay ko.
"Nakasalubong ko si Keanne nang papunta ako sa bahay niyo. Palabas naman siya ng bahay habang
