Nahihiyang ngiti ang tinugon ni Faith sa kaniya. "Pasensiya ka na ah, hindi ko kasi alam kung papaano kita kakausapin nang bigla kang dumating kanina sa condo. Nabigla talaga ako at kita ko ang galit mo kaya hindi ako nagsalita. Tumawag sa akin si Darius, don't worry. Hindi niya sinabing puntahan ka at magpaliwanag ako. He just called to confirm kung galing ka roon dahil hindi ka niya matawagan," anang pa nito.
Doon ay nagkatinginan sila nito, muling nagyuko ay nakitang nahihiya pa rin. "Salamat sa pakikinig sa akin. Aalis na rin ako upang makapagpahinga ka. Alam kong sa dami ng mga nangyari maghapon ay batid kong nais mo na ring magpahinga," anito saka agad na tumayo.
Mabilis niya itong hinawakan sa kamay. Doon ay nakamaang itong nakatingin sa kaniya. Mabilis siyang ngumiti para mapawi
