“Hep!” awat ni Dania sa kanila. “I know, you miss each other pero nandito pa po kami,” anito na tila nais pa silang paghiwalaying dalawa.
Masayadong nasorpresa si Kendra sa ginawang pagpo-propose ng asawa sa kaniya. Hindi niya iyon inaasahan, masaya siyang makitang masaya na ang lahat. Ang kanilang mga magulang, sila Dania at Cedric at sila Christiano at Erika. Masyadong mapaglaro ang tadhana sa kanilang anim. Aakalain ba nilang pinagtagpo silang lahat sa hindi kanais-nais na paraan pero sila pala ang magiging dahilan upang makilala ang mga taong laan talaga para sa kanila.
“Hindi ka ba masaya, babe?” untag ng asawa sa kaniya. Marahil ay napansin nitong natitigilan siya.
“Masaya naman, babe. Thank you sa surprise mo, nasorpresa talaga ako,” aniya saka matamis na ngumiti sabay kapit sa b
