LIMANG taon pa ang lumipas...
Maselan ang pagbubuntis ni Ella sa pangalawa niyang anak kaya maya’t-maya siyang nasa clinic ng biyanan niya. Apektado kasi siya sa mga isyu tungkol sa paglaganap ng panibagong virus sa bansa. Nahirapan daw ang mga ekperto na ma-trace ang pinagmulan ng virus at mabilis itong nagkalat. Natatakot siya sa tuwing dadalhin ni Devey si Dominic para pumasok sa paaralan.
Kahit alam niyang kayang protektahan ni Devey ang anak, nababahala pa rin siya dahil ang anak niya mismo ang hindi mapakali sa isang lugar. Kaya walang nagtatagal na kasambahay sa kanila dahil sa kakulitan ni Dominic. Kahit siya ay hindi kayang paupuin lang ang anak niya, baka mapaanak siya na wala sa oras kaya pumapayag na lang siya na isama ito ni Devey sa mga lakad nito.
“Nasaan na ang fallen b
