"Okay lang ba kung iwanan kita sandali rito sa bahay ko?" paalam sa kaniya ni Jeanica Anne pagkatapos ng dalawang araw na pananatili niya sa bahay nito. At sa dalawang araw na iyon ay magkatulong silang naghahanap kay Dianne. Markado na nila ang mga taong posibleng kumuha kay Dianne. Kasama na ang Papà Alessandro niya. "Uuwi muna ako sa Pinas mamayang gabi. Birthday kasi ng Mama Jeany ko bukas."
Tumango lang si Massimo. "I'm okay here. Itutuloy ko na lang ang paghahanap kay Dianne."
"No. Huwag kang umalis nang wala ako. Masiyadong delikado, Kuya Daniel," may pag-aalala sa mukha at tinig nito. "Kung totoo man ang hinala natin na ang Papà mo ang kumuha sa kaniya, baka lalo kang mapahamak. Hindi rin nila puwedeng malaman kung saan ka ngayon namamalagi. For your safety na rin."
His face gri
