Isang magandang babae na mukhang pure Italian at kaedad lang yata niya ang nakita ni Dianne na pumasok sa restaurant. Kaagad itong napangiti nang tumingin sa gawi nila. Ngunit sigurado siya na si Massimo at hindi siya ang nginitian nito.
Mabilis na inalis niya ang tingin sa babae nang malapit na ito sa kanila at ibinalik ang atensiyon niya sa pagkain.
"Ciao!" masiglang bati nito kay Massimo nang tuluyang makalapit sa table nila, sabay kuha sa isang bakanteng silya mula sa kabilang lamesa at inilapat iyon sa tabi ng binata at umupo roon.
Tahimik lang na nagmamasid sa dalawa si Dianne bagaman at nagtataka siya kung bakit parang feeling close kay Massimo ang babae.
She looked familiar. Hindi lang niya matandaan kung saan niya ito nakita.
Mas may matutunan daw ako sa trabaho kapag sum
