Chapter 42
Pagkalipas ng mahabang biyahe mula sa Maynila ay nakarating na si Helena sa probinsya. Ang init ng araw at ang alikabok sa daan ay parang paalala ng katotohanang kailangan niyang harapin, ang asyenda ng mga Vergara. Mabigat ang kanyang dibdib habang naglalakad sa harap ng matandang gate ng buong kalupaan na iisang apelyido ang nagmamay-ari. Ang lugar na pakiramdam ni Helena ay isang bartolina ay inaapakan na niyang muli.
“Hindi ba at anak ka ni Lara?” Tanong ng isang driver sa kanya.
“Opo.”
“Aba, halika na at ihahatid na kita. Mukhang galing kang Maynila.”
Ngumiti siya sa matandang drayber. Siguro ay sixty na ito pero namamasada pa rin.
Pagkasakay niya ay nag-umpisa ng magsalita ang lalaki.
“Mas maganda pang naglaki ka na lang sa Maynina, ineng. Nakakabwisit na dito sa b
