May lakad si Lara at ang kaniyang ina. Pinangakuan niya itong sasamahan sa divisoria para mamili ng mga tela na gagamitin nito sa pananahi.
Binilhan kasi ni Draco ng makinang panahi si Elena para may mapaglibangan ito sa bahay. Ngayon nga ay napagkakakitaan na nito ang libangang iyon dahil karamihan sa mga kapitbahay nila sa village ay sa kaniya na nagpapatahi ng mga kurtina. Bukod kasi sa maganda ang tahi nito ay pulido pa.
Bago umalis ay hinatid muna ni Lara sina Cayden at Cloud sa eskwelahan.
"Be good at school, no more fighting, okay?" bilin niya sa mga bata.
"Okay, Mom, see you later!" ani Cayden.
"Bye, Mom," sabi naman ni Cloud.
Nang mawala na sa paningin ang mga anak ay pinaandar na niya ang sasakyan para naman sunduin ang kaniyang ina.
_
Senior High School na sina Cayden
