AGATHA
Hinintay pala talaga ako ni Draven na matapos maligo at lumabas sa banyo. Nadatnan ko siyang naghihintay pa rin sa akin sa ibabaw ng kama kung saan ko siya iniwan habang hawak ang cellphone at may kausap sa kabilang linya.
Inayos ko ang tali ng robang suot ko at marahang humakbang palapit sa harap ng tokador para magsuklay ng basang buhok. Hindi ako tumuloy sa wardrobe dahil hindi ko alam kung narito na ba ang mga damit ko o nasa guest room, kung saan ako huling tumuloy noong dito pa ako nakatira.
"Alright, ako nang bahala. Just make sure na hindi makalalabas sa base ang babaeng iyon." Narinig kong sabi ni Draven sa kausap.
Hindi na ako nagtanong kung sino ang kausap ng asawa ko, dahil sigurado naman akong related ito sa trabaho niya.
"Draven, anong oras darating si Profess
