DRAVEN
Hindi ako nakaiwas ng hambalusin ulit ni Lolo Sabby ng baston na hawak niya. Hindi naman ako p'wedeng manlaban sa kanya at pigilan siya, dahil siguradong malaking kaguluhan kapag lalong na galit at nagbuga ng apoy ang matandang gigil na mabugbog ako.
"Hindi mo makikita ang asawa mo kasi weak ka, Madrigal. Sa tingin mo, basta ko lang ibibigay sa iyo ang pamangkin at mga apo ko, kung hindi mo naman pala sila kayang protektahan?" gigil na singhal at tanong ni Lolo Sabby sa akin.
Kahit masakit ang tama ng matigas na metal na hawak niya sa sikmura at tagiliran ko ay napatayo ako ng tuwid at hinarap siya. Balewala sa akin ang bawat hampas at malalakas na tama ng baston ni Lolo Sabby sa katawan ko, kumpara sa impormasyon na narinig ko.
"Meaning, buhay ang mga anak ko at kagagawan mo r
