DRAVEN
Mabilis ang patakbo ko ng sasakyan papunta sa lugar kung saan naroon si Lord Sebastian, pero sadyang 'pag nagmamadali ay nakakaranas pa lalo ng kamalasan. Nakasagupa pa ako ng traffic sa daan, kaya inabot tuloy ng isang oras, bago ako nakarating dito sa chapel kung saan nakaburol si Lolo Colin.
"Draven," tawag agad sa akin ni Drew.
Nag-aabang na pala siya dito sa labas ng chapel nang datnan ko. "Si Lolo Sabby? Nasa loob pa ba?" magkasunod na tanong ko.
"Yes, ano bang nangyari? May problema ka ba?" tanong rin ng kapatid ko sa akin na sumabay maglakad papasok sa chapel.
"Yes, pero mamaya ko na ipapaliwanag. Si daddy?" tanong kong muli kay Drew.
"Kaalis lang. Tumawag si Drake, nagkamalay na raw si mommy kanina," sagot ni Drew.
Kahit paano, nakahiga ako ng maluwag ngayong nalam
