NASISILAW si Florence sa liwanag na sumalubong sa kanya sa pagmulat niya ng kanyang mga mata. Hindi tuloy niya masyadong makita ang itsura ng taong nasa harapan niya hanggang sa unti-unti na rin siyang masana sa liwanag at mamukhaan kung sino ang nakatunghay sa kanya nang mga sandaling iyon.
“St. Peter...” she smiled at the handsome face. “Kamukha mo si Donn.”
“Si Donn?” came the soft, soothing voice.
“Oo, ang aking ‘mi fafa guapito’.”
“Your handsome guy.”
Patuloy lang na pinagmasdan ni Florence ang napakagandang tanawing iyon habang kinikilig na hinigpitan niya ang pagkakayakap sa kanyang unan.
Unan?
Bigla siyang napabalikwas ng bangon. Ikinurap-kurap niya ang mga mata para masigurong totoo ang nakikita niya.
“Gising ka na, Florence?”
“Ha? E…” Pero bumalik lang siya sa pagkaka
