NAGAHOL na sa oras si Andrew kaya ang ending, sa food center ng AAC siya kumain. Kauupo lang niya sa napiling table nang mahagip ng paningin niya sina Malia at Aldrin. Kapapasok lang ng mga ito at diretso na sa counter.
Pinili niya ang mesang nasa sulok na malayo sa ibang tao. Kasama pa rin niya si Tyron, na napansin din sina Malia at Aldrin.
“May kutob na ako rito sa kapatid mo, Andrew,” sabi nito.
May naalala siya bigla tungkol kay Aldrin. “I think Aldrin knows Malia before we meet,” aniya.
“Ano? Hindi ko nakita ang kapatid mo sa university.”
“Nauna kang nagtapos sa amin ni Malia, Ty. Aldrin was there during first year, at naabutan siya ni Malia. They have the same courses.”
“At ano ang gusto mong sabihin?”
“I think it’s not Malia who had a secret. Maybe Aldrin knows her.”
Sinipa
