BUMALIK din sa opisina si Malia pagkatapos na maayos ang unang set ng script na gagamitin sa taping ng akda niya. Nang makaupo siya sa kaniyang mesa ay muling sumagi sa isip niya si Andrew, at ang kakaibang kilos ng binata.
Magsisimula pa lamang siya sa trabaho ay tumunog ang kaniyang cellphone. Kaagad niya itong sinagot nang malamang papa niya ang tumatawag.
“Kumusta, Pa?” aniya nang milapat sa tainga ang cellphone.
“Malia, anak, naibigay ko na iyong perang pinadala mo kay Mr. Sanchez. Pero dahil kulang pa, tinapalan na ni Michael para matubos na ang lupa at maituloy na ang operasyon sa mango farm,” batid ng kaniyang ama.
“Ano? Bakit tinapalan pa ni Michael? Next week ay maipapadala ko na iyong kulang.” Nag-panic siya. Hanggat maari ay ayaw niyang magkaroon ng utang sa iba, lalo kay M
