Chapter Twenty Two
MACKY
PAGKABABA ko sa sasakyan ay agad akong bumati sa mga bisita. Pero agad din akong nagtungo sa kalsada dahil inaabangan ko si Kristine na lumabas. Baka mahiya siyang lumapit sa bahay namin dahil medyo marami pa ring tao.
Naglakad ako palapit pero nakita kong lumabas siya mula sa kanyang gate. Lalapitan ko pa sana siya nang makita kong nagmadali siyang tumakbo papuntang kanto at may tinawagan. Ilang sandal pa ay may humintong sasakyan sa tabi at sa pagkakaalam ko ay kotse ito ng isa sa mga kasamahan niya. Pagbukas niya ng pintuan ay naaninag ko kung sino ang nasa loob nito. Si Alex.
Kumirot ang dibdib ko sa hindi ko malamang dahilan. Mangyayari ba ulit ang nangyari sa aming nakaraan?
Agad kong dinukot ang cellphone ko sa may bulsa ng suot kong shorts at itin
