"MAY nakalimutan ka ba, Miss Xavier?" magiliw na tanong ni Isabella sa isa niyang mag-aaral.
"Wala po, Ma'am. Pero nais po sana kitang kausapin," tugon nito.
Sa tinuran nito ay kaagad siyang umayos sa pag-upo. Uwian naman na kasi dahil hapon na sa bansang Thailand. Idagdag pa na biyernes kaya't maaga ang uwian. Ngunit dahil may iba siyang trabaho sa sabado at linggo ay kailangang madala niya pag-uwi ang ilang gamit.
"Come here, Miss Xavier. Maupo ka muna." Kaagad niyang itinuro ang upuan sa mismong harapan ng mesa niya.
"Thank you, Ma'am." Pasasalamat pa nito.
Kaya naman ay ngumiti na lamang siya. Mabait naman itong estudyante. Matalino pa nga ito. Kaya't hindi niya maiwasang magtaka kung ano ang sasabihin nito. Ganoon pa man ay ginawa niya ang kaniyang tungkulin bilang isang guro.
"
