SIMULA nang magising sila ni Sire ng umagang iyon ay hindi na maalis sa guwapong mukha nito ang kasiyahan. Palaging may nakahandang ngiti sa labi nito para sa kanya. At hindi maiwasang hilingin ni Elena na sana ay magtuloy-tuloy iyon.
Habang abala si Sire sa pagpindot ng code sa may gilid ng pintuan ng penthouse nito ay malaya niyang napagmasdan ang kabuuan ng likod nito. Kahit sinong babae ay tiyak na papangarapin ang ganitong klase ng lalaki.
Dahil hawak nito ang isa niyang kamay, na hindi na nito binitiwan simula ng pumasok sila sa gusali ng kompanya nito, ay saka lang siya natinag sa kinatatayuan ng hilahin na siya nito papasok sa loob ng penthouse nito.
Magsasalita sana siya ng may mapansin sa paligid. Mabilis siyang naglakad papunta sa may sala. Kunot noong hinarap niya ang ngingi
