"Teka, anong sinabi niya, Tasha? Tama ba ang narinig ko?" tanong ni nanay ng makahuma sila.
"O-Opo, s-siya po ang daddy ng kambal," nauutal kong sagot.
Seryoso si Adrian habang nakatingin sa akin.
"Akalain mo. Tadhana na ang gumawa ng paraan," singit ni tita ng ilang minuto kaming tahimik.
"Wala ka ngang pinakilala na nobyo noon," wika ulit ni nanay. Tila hindi makapaniwala. Hindi ko din kasi noon sinabi ang tungkol sa ama ng mga kambal kahit galit na galit na si tatay sa pagtatanong sa akin.
Pero grabe naman. Paano ako mabubuntis na ako lang. Tama naman si nanay. Wala akong pinakilala na nobyo. Paano ko ipapakilala eh hindi ko naman nobyo.
"S-Siya po ang boss ko noon, 'nay," wika ko. Napapikit pa ako dahil sa hiya sa dalawang matanda. Iisipin na nila ngayon na naging isang kal
