TINITITIGAN ko ang tig dadalawang pulang guhit sa tatlong pregnancy test na ginamit ko kanina lang. Naka-upo ako ngayon sa couch dito sa living room ni Anghelitha, tiningnan ko naman ang isang analog clock na naka-lapag sa center table katabi ng vase na walang lamang bulaklak. Pasado ala siete na ng umaga pero ala sais y media ako nagising, mas nauna naman si Anghelitha sa ‘kin at nag-paalam na bumili ng pregnancy test sa botika. Na’ng makarating s’ya, ginamit ko agad ang tatlong binili n’ya at hindi ako nagkakamaling buntis nga ako. Kaya pala nu’ng mga nakaraan, parang mabilis ako mapagod at med’yo sumasakit ang ulo ko.
“Ano, kailangan ba kitang dalhin sa hospital at ipa-blood test?” seryosong tanong n’ya kaya napa-titig ako sa kaliwang bahagi ng ground floor at kakalabas lang n’ya sa k
