NONG makalabas si Saddie sa opisina ni Maven labas-masok na ang mga pinapatawag nito at pang huli si Kayleen na galing sa HR na umiiyak na lumalabas pagkatapos ng sampung minuto na pakikipag-usap nito kay Maven. Nag-alala si Saddie kaya agad niyang nilapitan si Kayleen.
"Ma'am, okay lang po ba kayo? Ano pong nangyari?"
Mas lalong umiyak ang dalagang si Kayleen saka iniwan si Saddie roon, napalingon siya sa pinto ng opisina ni Maven. 'Ano bang nangyayari sa kanya at halos lahat ng tao rito gusto niyang kaaway?'
Muli na lamang na bumalik si Saddie sa pwesto niya para balikan ang mga trabaho niya, ilang minuto lang nang dumating si Tristan na galing sa HR team.
"Good morning, sir Tristan, ano pong maitutulong ko sa inyo?"
Nag-aalangan man ang lalaki ay agad na inabot sa kanya ang metal
