MASAYA naman si Saddie na kinuha siya ni McKenzie bilang bagong sekretarya nito pero mas wala pa ring sasaya kung naroon si Maven, doon magtrabaho ngunit kailangan niyang isantabi at kalimutan na lamang ang lahat lalo na't pagbalik nito'y alam niyang hindi na babalik pa ang lahat. Hindi pa rin niya lubos maisip kung bakit siya kinuha ng binata kahit pa magaan ang loob niya rito dahil nabigla siya sa gaan ng trabaho na binibigay sa kanya ni McKenzie kesa sa trabaho niya rati.
Inaayos ni Saddie ang mga gamit bago umuwi nang paglingon niya sa salaming pader kung saan pagitan lang ang agwat nila ay nakita niyang abala pa rin si McKenzie, dahil hindi nagkakalayo ang mukha nito sa kapatid ni Maven hindi niya maiwasang mas lalong ma-miss ang binata.
Nag-unat ang binata at saka napasulyap sa g
