Dinig ang pagtawag ng kaniyang mga kaibigan na humabol pa pala sa kaniya. "Wynn, saan ka pupunta? Hoy, Wynn!" malakas na tawag ni Mark sa kaniya. Lumingon lang siya sa mga ito saka mabilis na pinaharurot ang kaniyang sasakyan. Kailangan niyang maabutan si Althea.
Tuon ang pansin sa kaniyang daan. Panay ang dasal na sana ay maabutan ito dahil hindi niya alam kung ano ang sasabihin ng mga magulang nito kung uuwi itong mag-isa. Matapos ng halos kinse minutos ay nakarating rin ang istasyon ng bus. Agad na bumaba sa kaniyang sasakyan at ginalugad ang buong paligid. Maging ang ilang bus na malapit nang bumiyahe ay inakyat niya ngunit walang Althea siyang nakita.
Lulugo-lugo siyang pababa ng bus nang makita si Althea na paakyat ng bus. Maging ito ay napatigil nang makita siya. Matagal na nagkah
