Third Person's POV
"Grabe, ang haba talaga ng hair mo, friend! Bilib na talaga ako sa'yo, biruin mo napa-ibig mo si Luther Frio tapos tanggap ka pa kung ano ka at higit sa lahat tanggap niya ang pagkakaroon mo ng anak. Bakit hindi mo bigyan ng chance? Bihira ka na lang makatagpo ng lalaking gan'yan binata, guwapo, mayaman at higit sa lahat mabait."
Ikinuwento ni Zaida kay Leny ang naging pag-uusap nila ni Luther noong isang araw. Hindi na niya kayang itago ang mga isipin niya. Kailangan niya ng makakausap at mahihingan ng payo.
"Hindi p'wede, Leny," malungkot na sabi niya.
"Ano... bakit hindi?"
Alanganing tumingin siya sa kaibigan, natatakot siyang salubungin ang mapanumbat nitong mga tingin. Alam niyang hindi nito magugustuhan ang isasagot niya.
Bumuntong hininga muna siya nang ma
