RAY
PAGKATAPOS kong marinig ang sinabi ng guwardiya, tinawagan ko ang aking koneksiyon sa pulisya para mag-request ng CCTV footage sa labas ng school ni Kaycee. Malakas ang kutob ko na ang lalaking sinasabi ng guwardiya ang dahilan kung bakit nawawala sina Happy.
“Magbabayad ako kahit magkano. Mahanap ko lang ang fiancée ko at ang anak niya,” sabi ko sa pulis na kausap ko. Sa Manila siya naka-base at mas mataas na posisyon sa PNP. Tonong nagmamakaawa at helpless na talaga na ang boses ko. “At gusto ko iyong mangyari sa lalong madaling panahon,” dagdag ko pa.
“Walang problema, Mr. De Vera. Tatawagan ko ang mga kasamahan ko diyan sa Pampanga at asahan mo ang mabilis nilang pagresponde, may bayad man o wala.”
“Okay. Maraming salamat.” Agad ko nang in-off ang tawag at naghintay rito sa lab
