l“Para sa akin, Miko, wala tayong dapat pag-usapan pa! Tinrato mo akong parang basura noon. Pagkatapos mo akong pakasalan, basta mo na lang akong pinatapon sa malayo!” galit niyang sabi kay Miko at buong lakas niyang binawi ang braso rito. Pinagpasalamat niyang nabawi niya rin.
“Malinaw sa akin ang lahat, Miko. Kailangan ko pa ring magtago at walang pwedeng makaalam na asawa mo ako! Don’t worry, hindi ko rin nais na malaman ng iba na asawa kita!” galit pa rin niyang sabi rito sabay kuha sa mga gamit niya. Hindi siya papayag na tumira sa bahay nito.
“Tatawag na lang ako sa secretary mo para ipaalam kung saan niya ipapadala ang allowance ko,” dagdag pa niya habang tila nakatulala lang sa kanya ang asawa.
“Pareho nating hindi ginusto ito, Miko!” sabi pa niya sabay talikod dala ang mga gami
