"Kung ganun maayos na kayo ng anak ko. Malaki na ang chance na hindi na kayo maghihiwalay pa," may ngiti sa labing saad ni Mr. Ramos sa kanya.
Sinadya niya ang Daddy ni Patricia sa opisina nito matapos ang kanyang gawain sa munisipyo. Excited siyang ibalita rito na maayos na sila ni Patricia, na nagsisimula na silang magkasundo nito, katulad ng gustong mangyari ng kanilang mga magulang, lalo na ang mga magulang ni Patricia. Kaya nga pati ang drama na may malaking utang ang Daddy ni Patricia ay ginawa nila, para mapaamo si Patricia, iyon nga lang may ibang paraan ito para mabayaran iyon at walang balak si Patricia na lumapit sa kanya. Mabuti na lang at naayos na niya agad ang gusot. Natakot pa nga siya na baka gawin nga ni Patricia ang pagbabanta nitong humanap ng lalaking bibili sa katawa
