"No doubt approved ka kay Mama," nakangiting saad ni Mikel sa kanya nang makababa na siya ng hagdan at naghihintay naman ito sa kanya sa may sala.
Suot na niya ang eleganteng dress na binili nila ni Mikel kanina sa mall para sa dinner nila ngayong gabi sa bahay ng mga magulang nito. Hindi niya alam kung ano ang dapat niyang i expect sa dinner na ito ngayong gabi. Masyado na kasing maraming ganap sa maghapon at para siyang nahihirapan i sink in lahat sa utak niya.
Aware siya na kalat na ang mga larawan nila ni Mikel sa social media, nakailang tawag na rin kasi sa kanya ang kapatid na si Leslie para tanungin siya about that, pero sinabi niyang sa personal na lang niya ipapaliwanag rito ang lahat. Hindi niya alam kung ano ang nasa social media ngayon about sa kanila ni Mikel, dahil magmula
