Miko De La Cerna Hidden Wife

Chapter-4

Flashback — 2 Years Ago

"Daddy, bakit po kayo nagsundo sa akin ngayon?" Nakangiting tanong niya sa ama nang masigla niya itong lapitan sa may gate ng kanilang school. Ang semento, mainit pa sa talampakan niya kahit naka-uniform siya. Amoy pawis at alikabok ang hangin, hinaluan ng tamis ng dirty ice cream na binebenta sa labas.

"Ayaw mo ba na ako ang susundo sa iyo ngayon?" Balik-tanong ng ama na may ngiti sa mukha. Ang mga mata nito, may kislap na hindi niya mawari.

"Gusto ko nga po, eh. Sana nga lagi na lang kayo ang sumusundo sa akin sa school," nakangiting tugon niya sabay yakap sa ama. Ang polo nito, amoy laundry at mamahaling pabango. Ang yakap, mahigpit at mainit.

"Tara na, baka ma-late tayo," saad ng Daddy niya at lumakad na sila palapit sa kotse. Ang itim na mamahaling sedan, kumikislap sa ilalim ng tirik na araw.

"May pupuntahan po ba tayo?" Tanong niya sa ama nang makaupo na sa passenger seat at ito naman sa driver's seat. Ang leather ng upuan, malamig sa likod ng hita niya kahit mainit sa labas.

"Sa mall. Kailangan mong bumili ng bagong dress," tugon nito habang pinaandar ang makina. Ang lamig ng aircon, agad bumalot sa kanya.

"Bagong dress? Para saan naman po ang dress? Marami pa po akong damit sa bahay," kunot-noong tanong niya.

"May dinner kasi tayo sa bahay mamaya. May importante tayong bisitang darating," tugon nito. Ang mga daliri ng ama, mahigpit ang hawak sa manibela.

"Bisita? Sino naman po?" Usisa niya.

"Malalaman mo rin mamaya. Sa ngayon, bibili muna tayo ng isusuot mo," tugon ng ama. Hindi ito tumingin sa kanya, nakatutok ang mga mata sa daan.

"Si Kate po, bibili rin?" Tanong niya.

Iniling ng ama ang ulo bilang tugon. Nagtaka siya, pero hindi na muna nag-usisa pa. Malalaman naman niya mamaya ang kasagutan sa kanyang mga tanong.

Siya si Patricia, eighteen years old at estudyante sa De La Cerna University—ang pinakakilalang university sa bayan ng San Juan na pagmamay-ari ng pamilya de la Cerna, ang nasasabing pinakamayaman sa bayan nila. Kasalukuyan siyang nasa Senior High School, pero ilang araw na lang at graduation na niya, at saka naman siya papasok na sa college. Napili pa rin niyang magkolehiyo sa De La Cerna University para hindi na siya lumayo pa at manibago na naman. Marami rin naman sa mga classmates niya at kaibigan na mag-stay sa De La Cerna University.

Pagdating sa mall, siya na ang pumili kung saan sila bibili ng Daddy niya ng dress. Ang lamig ng mall, ang amoy ng bagong bukas na tindahan at kape mula sa coffee shop, bumalot sa kanya. Pero ang bawat magustuhan niya, hindi gusto ng Daddy niya. Gusto raw nito iyong elegante at hindi provocative. May bisita nga raw kasi sila at baka mapuna siya. Kaya naman sumunod na lang siya sa style na gusto ng Daddy niya. Demure kung demure ang gusto nitong atake niya ngayon, Barbie ganoon. Ang tela ng pink na dress na napili, malambot at magaan sa balat, pero parang costume ang dating sa kanya.

"Sino po ba ang mga bisita natin mamaya, Daddy?" Tanong niya sa ama matapos mabili ang dress na kailangan niya. Naglalakad na rin sila pauwi. Ang plastic ng shopping bag, dumadampi sa braso niya.

"Kilala mo naman ang mga de la Cerna, hindi ba?" tugon nito sa kanya.

"Opo. Wala naman po yatang hindi nakakakilala sa kanila sa bayan natin. Lalo na sa loob ng subdivision," tugon niya. Ang mga de la Cerna rin kasi ang may-ari sa subdivision kung saan sila nakatira. Karamihan sa mga nakatira sa subdivision na iyon ay mga mayayaman dahil hindi biro ang presyo ng lupa roon.

"Sila ang magiging bisita natin mamaya. Si Vice Mayor Miko de la Cerna at ang Papa at Mama niya," saad ng ama sa kanya.

"Si Vice Mayor Miko po!" Bulalas niya. Ang puso niya, biglang kumabog. Wala ring hindi nakakakilala kay Vice Mayor Miko de la Cerna sa bayan nila, lalo na ang mga babae. Magpinsan ang nakaupong Mayor at Vice Mayor sa bayan nila, at parehong lalaking de la Cerna, kaya naman kilig na kilig ang mga babae sa bayan nila. Parehong gwapo kasi at mga bata pa. Nasa twenties lang ang mga namumuno sa bayan nila, pero maayos at napaka-asensado ng kanilang bayan.

"Yes, Patricia. Makikilala mo mamaya nang personal si Vice Mayor Miko de la Cerna sa dinner," tugon ng ama sa kanya.

Ngumiti siya at hindi na nag-usisa pa. Isang negosyante ang Daddy niya, hindi na siya magtataka pa kung malapit ang Daddy niya sa mga de la Cerna. Baka may business deal ang mga ito kaya inimbita ng Daddy niya ang mga de la Cerna sa bahay nila.

Pagdating sa bahay nila, agad na siyang pinaakyat ng ama para makapag-ayos na at parating na raw ang mga bisita nila.

Excited siyang naligo para maisuot ang bagong dress. Ang tubig, maligamgam sa balat niya. Ang amoy ng mamahaling sabon, dumikit sa kanya. Mag-aayos na rin siya ng buhok at maglalagay ng kaunting make-up para naman maganda siya sa harapan ng mga bisita, lalo na kay Vice Mayor. Walang masama kung magpa-cute siya sa Vice Mayor nila. Sa bayan naman nila, halos lahat na yata ng kaedaran niya, nagpapacute sa kanilang Mayor at Vice Mayor.

"Yep!" Nakangiting saad niya matapos niyang lagyan ng pink na lip gloss ang kanyang labi para bumagay sa kanyang light make-up. Umikot-ikot pa siya sa harap ng salamin para tingnan kung bagay sa kanya ang suot niya. Ang dress, bumagay sa maputi niyang balat. Ang buhok niya, bagsak at makintab. "Naku, baka mapansin ako ni Vice Mayor nito," bulong niya sa sarili at lumapad ang ngiti sa labi.

Saktong tapos na siya nang kumatok ang kasambahay sa pintuan ng silid niya at sabihing bumaba na raw siya at malapit na ang mga bisita.

Agad naman siyang lumabas ng silid at bumaba ng hagdan. Ang kamay niya, mahigpit ang hawak sa railings na kahoy. Malamig at makinis. Sa may sala, naroon na ang lahat at katulad niya, maayos at pormal din ang mga kasuotan. Ang amoy ng nilutong pagkain mula sa kusina—adobo, siguro—umaabot hanggang sala.

"Wow, Ate, ang ganda naman ng dress mo," bati sa kanya ni Kate nang makababa na ng hagdan.

"Salamat," nakangiting pasalamat niya sa kapatid. Saka sinulyapan ang mga magulang na nakangiti naman sa kanya. Tanging ang Kuya Ariel lang niya ang seryoso at walang kangiti-ngiti sa mukha. Ang panga nito, mahigpit. Hindi na lang niya ito pinansin.

Tinawag sila ng kasambahay para sabihing nasa labas na ang mga bisita nila. Kaya naman agad na silang lumakad palabas para salubungin ang mga bisita.

"You are beautiful, Patricia," bulong sa kanya ng Daddy niya. Ang hininga nito, mainit sa tainga niya.

"Thank you po, Daddy," pasalamat niya na may malapad na ngiti sa labi.

Bago pa siya tuluyang lumabas ng pintuan, inayos pa niya ang kanyang damit at buhok para naman mapansin siya agad ni Vice Mayor. Ang hangin sa labas, maalinsangan pero may halong amoy ng bagong dilig na damo.

Sa labas, dalawang sasakyan ang naka-park at pababa na ng sasakyan ang kanilang mga bisita. Pinili niyang tumingin sa itim na mamahaling Audi na kotse, ramdam kasi niyang doon nakasakay si Vice Mayor. Isang Lexus na SUV naman kasi ang isa, na marahil doon nakasakay ang mga magulang ni Vice.

Hindi nga siya nagkamali dahil sa Audi bumaba ang isang gwapong lalaki na agad ngumiti at kumaway pa sa kanila na nakatayo sa labas ng bahay nila. Ang ngiti nito, puting-puti at nakakasilaw kahit sa dilim. Sa driver's seat bumaba si Vice, marahil wala itong kasamang driver. At ang mga magulang naman nito ay may driver na nagbukas ng pintuan para sa mga ito.

Agad namang lumapit si Vice sa sasakyan ng mga magulang nito para alalayan sa pagbaba ang Mama nito. Napangiti siya dahil bukod sa gwapo si Vice, napaka-gentleman pa nito sa Mama nito. Halatang maganda ang pagpapalaki dito. Ang tindig nito, matangkad at diretso. Ang puting t-shirt at itim na pants, simple pero halatang mamahalin.

Sumalubong ang Papa at Mama niya sa mga bagong dating. Nanatili naman silang tatlong magkakapatid na nakatayo sa kanilang kinatatayuan. Siya at ang bunsong kapatid, kapwa nakangiti, pero ang Kuya Ariel niya, walang kangiti-ngiti sa labi na para bang hindi nito gusto ang mga bisita. Ganoon pa man, hindi na lang niya pinansin ang mood ng Kuya niya. Baka pagod lang ito kaya walang gana sa mga bisita nila.

Nagulat pa siya nang agad siyang ipakilala ng kanyang Papa kay Vice at mga magulang nito.

"Finally, na-meet ka na rin namin, Patricia," magiliw na saad ng Mama ni Vice. Nakipag-beso-beso pa ito sa kanya at yumakap. Ang yakap, mahigpit at mabango. Amoy mamahaling pabango na matamis. Bagay na lalo niyang kinagulat at hindi naisip na mangyayari.

"Hello, young lady," bati naman sa kanya ng Papa ni Vice. Ang boses, malalim at magiliw. Nagulat rin siya sa magiliw na pagbati ng Papa ni Vice sa kanya.

"Miko, magpakilala ka naman sa magandang dalaga ng mga Ramos," saad ng Papa ni Vice na lalo niyang kinagulat.

Napasulyap siya kay Vice na agad namang ngumiti sa kanya at nilapitan siya para makipagkilala at makipagkamay. Ang mga mata nito, kulay kape at kumikislap sa ilaw ng gate.

"Hi, Miss Beautiful," bati sa kanya ni Vice Mayor na kinatulala niya. Ang boses nito, malalim at malambing. Hindi yung boses ng pulitiko sa entablado.

"Hi…" Garalgal ang tinig niyang bati rito. Nanuyo ang lalamunan niya. Masyado kasi siyang na-overwhelm sa nangyayari. Hindi niya alam kung bakit kailangan pang magpakilala nang personal sa kanya ni Vice Mayor Miko.

"Nice to meet you," Miko said at nakipagkamay pa sa kanya. Ang palad nito, malaki at mainit. Magaspang ang palad, pero malambot ang hawak. Pakiramdam niya, huminto ang t***k ng kanyang puso nang lukubin ni Miko ang kanyang kamay. Napalunok pa siya at napatitig nang husto sa gwapong mukha nito. Nakangiti sa kanya si Miko, pero parang may kakaiba siyang nakikita sa mga mata nito. Hindi lang niya masabi kung ano. Parang may tinatago. Parang may sinusukat.

"Tama nga sila, maganda ka, Patricia," narinig niyang bulong ni Miko sabay pisil pa nito sa kanyang kamay na hanggang ngayon hindi pa nito binibitiwan. Ang boses, halos pabulong lang, para silang dalawa lang ang tao sa mundo.

Hindi naman niya magawang makapagsalita habang nakatingin sa gwapong mukha nito. Sadyang gwapo at marunong itong magdala ng damit. Sa simpleng puting plain na t-shirt at pants lang, nagsusumigaw na ang kagwapuhan nito. Kahit sino, mapapalingon dito. Isama pa ang mabangong amoy nito. Mukhang isang bote yata ng mamahaling pabango ang pinaligo nito sa buong katawan kaya naman nagsusumigaw ang bango nito. Amoy kahoy, citrus, at lalaki.

Kung hindi pa nagyayang pumasok sa loob ng bahay ang Daddy niya, hindi bibitiwan ni Miko ang kanyang kamay.

Nagtataka naman siya kung bakit sa kanya lang ito nagpakilala nang ganoon. Although binati naman nito ang kanyang mga kapatid, sadyang iba pa lang ang way ng pagpapakilala nito sa kanya. Ang hawak nito sa kamay niya kanina, matagal. Madiin. May ibig sabihin.