Umuwi siya sa bahay ni Mikel para kunin ang mga damit na isusuot niya sa frat party, napag usapan na sa bahay na ni Evie siya magbibihis dahil aayusan din siya nito. Masaya siya dahil sa maghapong kasama niya ang dalawang kaibigan hindi binanggit ng mga ito si Mikel, marahil hindi na interesado pang malaman ng mga ito kung sino ba talaga ang lalaking sumundo sa kanya noong isang araw. Mabuti na rin kasi iyon at baka iyon pa ang maging dahilan ng pagkasira ng kanilang pagkakaibigan.
Matapos maiayos ang mga damit at kailangan niya ngayong gabi sa isang bag agad na siyang lumabas ng silid. Wala siyang binabanggit sa mga kasambahay na naroon, dahil alam niyang mag re-report ang mga ito kay Mikel. Ang driver naman na sinakyan niya para maghatid sa kanya sa bahay ni Evie, wala namang naging tan
