Hindi niya alam kung paano kikilos nang makaalis na si Mikel at maiwan na siya sa loob ng campus. Sa bawat hakbang kasi niya nakasunod ang mga mata ng karamihan sa kanya at pinagbubulungan siya. Nakita rin niya sina Evie at Jade pero hindi siya pinansin ng dalawa at basta na lang umalis ang mga ito. Ito na yata ang kinatatakutan niyang mangyari, ang masira ang pagkakaibigan nilang tatlo.
"Liyah," napatigil siya nang may tumawag sa kanya at nakita si Kenzo sa may likuran niya, palapit ito sa kanya habang nakangiti.
"Kenzo, ikaw pala,' matamlay niyang saad rito at napatingin sa paligid. Nagsitaasan ng kilay ang mga nakatingin sa kanila ni Kenzo. Humugot siya ng malalim na paghinga. Mukhang pati kay Kenzo bawal siyang dumikit.
Hindi pa niya gaanong kakilala si Kenzo pero alam niyang mayam
