LYKA
NAMAMASA ang aking mga mata habang nag-eempake ng mga gamit. Nakapagdesisyon na ako na tuluyan nang i-give up ang pagsasama namin ni Verex. Hindi ko na kinaya ang patuloy niyang pagpaparatang sa akin na pinatay ko raw ang baby namin. Masiyado nang nadudurog ang puso ko. At natatakot ako na baka kapag tumagal pa ako rito at hayaan siya na patuloy akong saktan nang ganito, maubos ako…
Maubos ang pagmamahal ko sa kaniya at wala nang matira kahit bilang kaibigan man lang kapag dumating ang araw na muling mag-krus ang aming mga landas. Dahil sa kabila ng mga hindi magandang nangyari ay hindi ko pa rin magawang kalimutan ang magagandang pinagsamahan namin noon ni Verex.
Kagabi, sa aming second anniversary ay may mangyari uli sa amin, akala ko doon na kami unti-unting magkakaayos. Dahil
