KAPWA sila ni Crisostomo na habil ang mga hininga nang maghiwalay ang kanilang mga labi at pawisan ang mga katawan na nakahiga sa kama. Katatapos lang nilang magsalo sa init na tagpo. At hindi na matandaan ni Anne kung ilang beses nag-isa ang kanilang katawan sa umagang iyon lang.
Isang buwan na rin siyang nanatili sa bahay nito at isang buwan na rin ang kanilang opisyal na relasyon. At ang tanging masasabi lang ni Anne, masaya siya sa piling ng binata. Sobrang saya! Idagdag pa ang presensiya ni Baby Sarina na sa maiksing panahon ay natutunan na rin niyang mahalin. Ganoon din ang bata sa kaniya. Katunayan, hindi na nga ‘Ate’ ang tawag nito sa kaniya kundi ‘Mommy Anne’ na.
Sa loob ng isang buwan na pagiging girlfriend kay Crisostomo at ina-inahan kay Baby Sarina, hindi namalayan ni Anne
