CHAPTER 11:
ILANG BESES NA AKONG NAGPAIKOT-IKOT SA PAPAG KO pero hanggang ngayon ay hindi pa rin ako makatulog. Kung hindi ko lang naririnig ang paghihilik ni Nora sa baba, sigurado akong magagalit siya na panay ang likot ko rito sa itaas.
Nagdesisyon kaming bumili na lang ng double deck para naman hindi na ako sa may sahig naglalatag ng banig. Nagdesisyon na rin naman akong dito na muna kagaya ng gusto ni Aris.
Kaya sa tuwing may problema ako, mahihirapan na akong solohin lalo ba at nand'yan na si Nora. Si Nora na usyusera at hindi pwedeng pagtaguan dahil mabilis makaamoy.
Hanggang ngayon, hindi pa rin ako makapaniwala na ang nakachat kong si ZDA24 ay si Zareb Devin. Kahit si Nora siguro, hindi maniniwala sa oras na sabihin ko sa kaniya.
Sa sumunod pagpihit ko sa kabilang side, nabi
