CHAPTER 13:
ILANG BESES NANG INIKUTAN NI NORA SI Zareb, sinisigurong tama nga talaga ang nakikita niya. Pagkatapos niyang umikot, lilingon sa akin sabay titig nang masama.
"Bakit hindi mo sinabi sa 'kin ito?" matamang tanong sa akin ni Nora.
Umirap ako. "Sinabi ko sa 'yo 'di ba? Anong sabi mo sa akin? Na nag-iilusyon ako?"
Kumunot ang noo niya at tumingin sa itaas, tila nag-isip. Mahahanap niya ba ang iniisip niya sa kisame ng bahay?
"Akala ko nanaginip lang ako no'ng sinabi mo sa akin 'yon!" Kumamot siya ng ulo nang tuluyang maalala ang sinabi ko.
"Can I sit now? I want to talk to Ailith," biglang sabi ni Zareb.
Magsasalita sana ako para pigilan siyang maupo pero inunahan na ako ni Nora.
"Sige upo ka lang, pasensya na hindi gano'n kalambot ang sofa namin," ani Nora.
Ngumiti si Za
