NAPANSIN NI Prix na agad na natahimik ang apat na lalaking nagkakasiyahan sa wine bar nang bumaba siya kasama ang mag-asawang Madrigal. Bahagya niyang sinulyapan si Ace para hindi nito mahalata masyado ang balak niya.
“Good Lord!” bulalas ni Mrs. Madrigal. “Hindi pa nga nasasayaran ng pagkain iyang mga sikmura ninyo’y alak na kaagad iyang nilalantakan ninyo.”
“Luisa, pabayaan mo na lamang sila,” wika ni Mr. Madrigal dito. “They’re not kids anymore.”
“Oo nga naman, Tita Luisa,” singit ng isa sa mga lalaki. Nakangiti itong lumapit sa kanya. “Bakit hindi n’yo na lamang kami ipakilala sa maganda ninyong bisita? Hi, I’m Aleister,” sabi nito, sabay lahad ng kanang palad.
Kimi niyang tinanggap ang pakikipagkamay nito. “Hello. I’m Prix.”
“Prix? As in Paradise Vistanilla?”
“Yes, hijo,” nagm
