AMBER’S POV
HINDI ko mapigilan na mapasimangot habang hawak ang malaking poster ni Lance. Tumawag kanina sa akin si Kitty upang makiusap na samahan ko siya sa kanyang lakad. Since tapos na ang office hours at wala kaming lakad ni Wyatt dahil busy siya ay kaagad kong tinanong kung saan kami magkikita.
Pinagsisisihan ko kung bakit ako pumayag na sumama. Heto kami ngayon, nakikipagsisikan at nakikipagtulukan sa maraming tao. Nangyari rin sa wakas ang matagal nang hinihintay na fan meeting ni Lance Aguirre. Siyempre hindi nagpahuli ang kaibigan ko. Nag-effort siya na ipa-tarpaulin ang picture nila ni Lance noong nasa farm hotel kami.
“I love you, Lance!” Nangingibabaw ang boses ni Kitty sa lahat.
Kumakanta sa entablado si Lance. Hindi ko maunawaan kung bakit maraming kinikilig sa mala pa
