"Alam mo Karl malaki ka na. Maiintindihan mo na siguro kami. Halika nga lumapit ka rito Delfin at baka may malimutan ako." tawag ni Upeng sa asawa niya. Kahit uugod-ugod ay nakalipat naman ng upuan si Mang Delfin na malapit sa mag-lola.
"Karl, malaki kasalanan namin diyan sa mommy mo. Kaya yata naging ganito buhay namin." bungad ni Aling Upeng sa mababang tono ng boses.
Seryoso naman na may pananabik si Karl na marinig ang sasabihin ng lolo at lola niya.
"Nakita naming ganyan ang Mommy mo nu'ng malapit ng ikasal sa Daddy mo." dugtong ni Aling Upeng na ikinakunot agad ng noo ni Karl pero hindi na siya nagtanong at naghintay na lamang ng susunod na sasabihin ng Lola niya.
"Nanliligaw ang daddy mo, si Lukas kay Cecille, pero kasintahan na ni Arnold. Makapangyarihan ang Lolo mo nu'n dahil
