Isang oras lang ang biyahe namin papunta sa lugar kung nasaan ang airbnb nila Tristan. Sa Antipolo 'yon at sobrang laki ng airbnb niya. Halatang bagong-bago pa 'yon dahil makulay na makulay ang pintura roon. Pagpasok pa lang ay isang concrete two story house roon. Wala kang simento na makikita sa tatapakan mo dahil puro bermuda ito.
"Ngayon ka pa lang din pumunta rito?" tanong ko sa kaniya.
Huminto kami malapit sa swimming pool at hindi ko mapigilang mamangha sa view na nakita ko roon. Parang gusto ko na rin magbabad sa swimming pool dahil maganda ang panahon ngayon!
"Nope. Dinala na ako rito ni Daddy noon. Pinapaupahan ko na lang pero umalis na rin ang nagre-rent last two months," sunod-sunod na paliwanag niya.
Muli ko namang inilibot ang mga paningin ko at wala naman akong nakitang k
