"H-huh? Ano'ng sinasabi mo?" awkward na tanong ko kay Francine.
Natawa siya at napailing bago ibalik ang mga mata niya sa kinakain. Hindi ko rin kasi maintindihan kung ano ang ibig sabihin ng sinabi niya. Hindi ko mapigilang ang sarili sa kaba dahil nakakahiya kung alam niyang gusto ko ang boyfriend niya. Lalo na at inamin sa akin noon ni Tristan na nagustuhan niya rin ako.
"Wala.. sigurado ka bang gusto mo akong maging kaibigan?" pag-iiba niya ng usapan.
Huminga ako ng malalim at uminom muna sa juice ko. Hindi ko alam kung ipagpapasalamat ko ba na iniba niya ang topic or mas lalo ba akong dapat kabahan.
"Bakit ayaw mo ba?" tanong ko sa kaniya pabalik.
Mabilis naman siyang umiling at napatingin sa akin.
"Hindi naman sa ayaw pero mayaman ka at mahirap lang ako-" agad ko naman siyang p
