Nang matapos ang klase namin ay naghiwalay na kaming tatlo nila Milan at Riva dahil sa susunod pa nilang klase. Nagpunta muna ako sa comfort room para mag-ayos ng buhok, medyo na-stress kasi ako sa subject namin na 'yon kaya alam kong gulo-gulo na naman ang buhok ko. Hindi ko alam kung sisiputin ako ni Francine tungkol sa sinabi ko kanina pero titignan ko pa rin.
Hindi pa muna ako pumunta roon dahil may kailangan pa akong kuhanin sa locker ko at halos sumabog na naman 'yon nang buksan ko kaya inisa-isa ko pang ilagay 'yon sa paper bag na dala ko. Kung sana ay nagpapakilala ang ibang mga nagbibigay sa akin nito ay edi sana na-date ko na ang isa sa kanila!
"Hi, Cheska!" muntik akong mapatalon sa gulat nang may biglang nagsalita sa gilid ko.
Nang lingunin ko ay si Gilbert ang nakita ko, t
