"Where's Daddy?" tanong ko kaagad nang makarating sa hospital na sinabi sa akin ni Paolo.
Siya ang sumalubong sa akin doon at dahil sa sobrabg pag-aalala ko ay hindi ko na rin talaga mapigilan ang panginig ng katawan ko.
Hindi kumibo si Paolo at itinuro ang daan kaya tahimik akong sumunod sa kaniya kasama si Tristan na kanina pa rin ako pinakakalma.
"Nasa emergency room pa siya, Ma'am Cheska. Maghintay na lang po muna tayo rito," sabi niya at dinig ko pa rin ang bakas ng panginginig ng boses niya.
"W-what happened? Is he okay? Malala ba ang nangyari sa kaniya?" sunod-sunod na tanong ko sa kaniya.
"Umupo ka muna," si Tristan.
Napahilamos naman ako sa mukha ko at napaupo na lang bago mapasapo sa noo. Nang maramdaman ko ang pag-upo ni Tristan sa tabi ko at ang paghagod niya sa likod ko
