Bukas ang malaking gate namin para sa mga magiging bisita nila Jake at Kyle. Hindi naman daw marami ang magiging bisita nila at ayos na ayos naman sa akin kung ilan ang makakapasok sa mansion. Mas maganda na rin kasi na sa mansion na lang kami mag-party para mas masulit namin ang bawat isa.
Sigurado rin kasi ako na kung sa bar kami ay maraming makakapasok doon at magkakalayo-layo na naman kami kaya pinilit kong doon na lang sila sa mansion. Tumulong din naman ako sa pag-aayos doon sa labas ng pool habang sila Tristan at mga kaibigan niya ay nag-aayos din ng kakainin mamaya after ng dinner namin.
Bukas lahat ng ilaw buong mansion hanggang sa labas. Isang taon pa lang nawawala si Mommy pero ang dami nang nagbago rito. Madalas ay kapag may pa-party si Mommy ay dito rin kami sa labas ng pool
