"I'm sorry, okay?" mahinahong sabi niya.
Umiling ako at ramdam ko ang pagbilis ng hinga ko. Hindi ganoon karami ang nainom ko pero nakaramdam ako hilo dahil na rin siguro sa paghila sa akin ni Tristan.
"Paano ka nakarating dito?" tanong niya.
Hindi ako kumibo dahil wala akong balak siyang kausapin. Pakiramdam ko ay masyado na niya akong pinagbabawalan sa lahat. Hindi ko naman siya kapatid at hindi ko rin siya boyfriend para pagbawalan ako ng ganito.
"Are you with someone when you go here?" muli niyang tanong.
Bumuntonghininga ako at tumingin sa bintana. Tanaw ko ang mga taong lumalabas sa bar kung saan ako galing at kitang-kita ko kung sino ba sa kanila ang mga lasing at taga-alaga ng lasing.
"I'm asking you, Francheska. Hindi mo ba ako sasagutin?" nahimigan ko kaagad ang iritasyon s
