Lea Adino
NAGING MAS ILAG pa ang mga kaklase ko sa akin matapos akong ipakilala ni Professor Drake Delavega Jr. bilang personal assistant niya. Nagbitaw ng salita si professor sa kanila na respetuhin ako at tratuhin na parang isa sa kanila, ngunit tila lalo lamang nagdulot ito ng distansya sa pagitan namin.
Hindi pa rin nila matanggap na ako ay bahagi ng kanilang mundo, at mas lalong lumala ang pakiramdam ko ng pagiging isang outsider. Pero wala na rin naman silang magagawa, at hindi rin naman sila mahalaga sa akin kaya wala akong pakialam. Katulad nga nang sinabi ko, sanay na ako sa kanila, at hindi ko sila pinipilit na tanggapin ako.
Sila ang may problema, hindi ako. Nag-aaral ako ng mabuti at ginagawa ng maayos ang trabaho.
"Lea! Lea!"
Napalingon akong bigla sa tumawag sa akin. Na
